عاوز فلوس تسندك في وقت الزنقة؟ محتاج تعمل مشروع أو تغطي مصاريف كبيرة؟ وهنقولك إزاي تقدر تحصل على القرض الشخصي من البنك التجاري الدولي CIB بخصم 50% على المصاريف الإدارية.. قرض ممكن يغير حياتك ومش هيكلفك كتير.
البنك التجاري الدولي ( أو زي ما كلنا بنقول CIB ) عامل عرض مميز جدًا على القرض الشخصي.. لو بتفكر تاخد قرض دلوقتي عندك فرصة إنك تستفيد من خصم 50% على المصاريف الإدارية.
يعني إيه القصة؟ وازاي تقدر تستفيد من العرض ده؟
خلينا نبدأ الأول بالمميزات الأساسية للقرض الشخصي من CIB.. القروض دي معمولة عشان تساعدك لو محتاج تمويل سريع لأي سبب سواء كنت بتخطط تعمل مشروع صغير، تسدد مصاريف دراسية، أو حتى عايز تشتري حاجة كبيرة زي عربية أو تجهيز شقة.
طيب المميز في القرض ده إيه؟
أول حاجة.. البنك بيقدم القرض بمبالغ مرنة تبدأ من 5,000 جنيه وبتوصل لمليون جنيه.. وده حسب دخلك وإمكانياتك.. تاني حاجة.. الفايدة تنافسية جدًا.. والبنك بيحسبها على أساس ثابت أو متغير حسب ما يناسبك.. أما المدة فالبنك بيديك وقت مريح جدًا للسداد ممكن يوصل لـ 8 سنين.
طب إزاي أقدم على القرض وأستفيد من العرض؟
الإجراءات سهلة جدًا.. وأول خطوة لازم تكون موظف في قطاع حكومي أو خاص أو حتى صاحب عمل حر لأن القروض بتكون بناءً على دخلك الشهري.
وبالنسية للأوراق المطلوبة فهي بسيطة جدًا وبتشمل .. بطاقة رقم قومي سارية.. وإثبات دخل، سواء كان مفردات مرتب أو كشف حساب بنكي آخر 6 شهور لو انت صاحب عمل حر..إيصال مرافق حديث (كهرباء أو مياه أو غاز).
طب وإيه ميزة خصم الـ 50% على المصاريف الإدارية؟
ببساطة لما تقدم على القرض في فترة العرض دي هتدفع نص المصاريف الإدارية اللي هي عادة بتكون نسبة من مبلغ القرض.. يعني مثلًا لو المصاريف الإدارية للقرض بتطلع 1,000 جنيه مع العرض هتدفع 500 جنيه بس.. وده توفير حقيقي بدل ما تدفع مبلغ إضافي ممكن تستخدمه في حاجة تانية.
طب لو عايز تقدم تعمل إيه؟
تقدر تزور أقرب فرع من فروع CIB وتقدم طلب القرض هناك مباشرة… أو لو عايز توفر وقت، ممكن تدخل على الموقع الرسمي للبنك أو تتواصل معاهم على الخط الساخن.. والبنك عنده كمان خدمة عملاء بتساعدك في كل التفاصيل لو عندك أي استفسار.
ليه العرض ده مهم؟
لأن المصاريف الإدارية دايمًا بتكون جزء مش صغير من تكلفة القرض.. فلما تستفيد من الخصم ده معناه إنك بتوفر فلوس ممكن تستخدمها في احتياجات تانية.. وكمان القروض الشخصية بتكون مفيدة جدًا لو بتحتاج تمويل سريع بدون إجراءات معقدة زي ما بيحصل في قروض تانية.
في النهاية.. لو محتاج تمويل سريع وعايز توفر على نفسك، القرض الشخصي من CIB بخصم 50% على المصاريف الإدارية فرصة ما تتعوضش.. وفرص زي دي مبتجيش كل يوم.. فليه تضيعها.