طرحت الفنانة مي فاروق أغنية جديدة تحمل اسم “سلطانة” عبر قناتها الرسمية على موقع الفيديوهات “يوتيوب”.
أغنية “سلطانة” من كلمات عبد الرحمن محمد، ألحان مدين، توزيع أحمد عبد السلام.
وجاءت كلمات أغنية “سلطانة” على النحو الآتي:
يا أكتر حد في الدنيا دي بتمناه
يا حلم أنا عبشت طول الوقت بستناه
وجودك جنبي يسعدني
بقالي ضهر يسندني
أخيرا حب بطمن وأنا عيشاه
خلاص مبقتش قلقانة
معاك حاسة إني إنسانة
يا ونسي ودنيتي وناسي
يا مملكتي وحراسي
وأنا وياك بحس بإني سلطانة
خلاص مبقتش قلقانة
معاك حاسة إني إنسانة
يا ونسي ودنيتي وناسي
يا مملكتي وحراسي
وأنا وياك بحس بإني سلطانة
يا فرحة قلبي يا أملي اللي عايشة عليه
يا راحة بالي وأنت معايا هخاف من إيه؟
حبيبي ما خابش فيك ظني
يا رب ما يبعدك عني
وجودك جنبي ده اللي أنا كنت بحلم بيه
خلاص مبقتش قلقانة
معاك حاسة إني إنسانة
يا ونسي ودنيتي وناسي
يا مملكتي وحراسي
وأنا وياك بحس بإني سلطانة
كانت المطربة مي فاروق قد احتفلت بحفل زفافها، إلى الفنان محمد العمروسي، خلال الأيام القليلة الماضية، وتعرضت لانتقادات حادة عقب حفل زفافها.
وردت “فاروق” على هذه الانتقادات خلال مداخلة هاتفية مع الإعلامي عمرو أديب في برنامج “الحكاية”، المذاع عبر شاشة “mbc مصر”: “أنا اتجوزت بس، معملتش أي حاجة والحمد لله كان يوم حلو والناس اللي كانت موجودة كانت جاية بحب وفرحة، كل الفنانين والأصدقاء وعيلتي وولادي قبل أي حد، كل الناس كانت فرحانة وبس معرفش إيه اللي حصل بعد كده مش فاهمة”.
تابعت: “ليه مقولش إني بتجوز قدام الدنيا كلها؟ لما بعد 6 سنين أنا أم بأولادي لوحدي ومسئولة عنهم وعن شغلي بس، يوم ما اقرر اتجوز، أنا واحدة ست عايزة تتبسط وولادي يتبسطوا بيا ومعايا ونفرح ونعلن قدام الدنيا كلها إن إحنا بنعمل حاجة حلوة ترضي ربنا ومبسوطين، إيه المشكلة إني أعلنت؟ تضايق الناس في إيه؟”.
أردفت: “الناس بدأت تحلل نظرة ابني وبنتي ليا وقلبها موجوع، وبعدين محدش يعرف حاجة عن حياتي الشخصية بس حبيت يعرفوا اني اني اتجوزت انا ولادي نمرة واحد في حياتي وكل حاجة تيجي بعدهم أنا مليش دعوة بالناس”.