السبت 11/يناير/2025 – 03:31 م
تحدثت الفنانة ليلى علوي، عن المواهب الشبابية على الساحة الفنية وخاصة الكُتَّاب، موضحة أنه يوجد العديد من الموهوبين الذين هم بحاجة إلى فرصة للظهور.
وقالت ليلى علوي، في لقائها مع القاهرة 24: مصر ولادة بس إحنا عايزين ناس تراعي وتبحث عن الموهوبين وتوجهم وتاخد بـ إيديهم، والثقافة والفن هما نبض وروح وسلوك اللي بيعكس حقيقة الشعب المصري، ده المراية بتاعتنا اللي لازم العالم يشوفها بشكل راقي.
ليلى علوي: المستريحة تجربة مختلفة وغير متوقعة
وفي سياق آخر، تحدثت الفنانة ليلى علوي، عن تجربة فيلمها الجديد المستريحة، الذي يعرض حاليًا في دور السينمات، حيث قالت في لقائها مع القاهرة 24: بقدم في فيلم المستريحة شخصية جديدة وسيناريو مختلف، كوميدي تشويق، والكاست كله حلو، تجربة الفيلم كلها مختلفة وغير متوقعة، والمرة دي أنا وبيومي فؤاد مش عاملين دويتو مع بعض، بس طالعين أعداء.
وعن إمكانية عودتها للدراما من جديد، فعلقت ليلى علوي: ناوية أرجع للدراما لما ألاقي حاجة حلوة فيها، وقبل كدة اتنصب عليا ومفيش حد متنصبش عليه، وأمنيتي إن السنة دي تكون أحسن عليا وكل عيلتي يكونوا بخير وحواليا.
فيلم المستريحة
وفيلم المستريحة من تأليف محمد عبد القوي، وأحمد أنور، وأسامة حسام الدين، وأحمد سعد والي، وإخراج عمرو صلاح، ويشارك في بطولته: عمرو عبد الجليل، ومحمد رضوان، ومحمود الليثي، وعمرو وهبة، ومصطفى غريب، ونور قدري، وعبدالرحمن ظاظا.